Жителите на населбата Градинар протестираа поради основните услови за живот во ова населено место.
„Недозволиво е во 21 век населено место кое егзистира повеќе децении на оддалеченост на само 2 километри од центарот на Скопје, да опстојува со септечки јами, односно без фекална канализација“, рече Бранислав Игњатовиќ, советник во Советот на општината Кисела Вода.
Според него, граѓаните за овој проблем поднеле иницијатива уште во мај годинава до градоначалникот Марјан Ѓорчев.
„За жал, немасто да се заземе за решавање на овој круцијален проблем, истиот даде приоритет на изградба на споменик на крвникот на македонскиот народ, Тодор Александров“, рече Игњатовиќ.
