Бројката на заболени од коронавирус во земјава се искачи на девет лица. Министерот за здравство Венко Филипче информира дека попладнево од сите испитани дванаесет пациенти, двајца од Дебар биле позитивни на коронавирусот.
Тие биле во контакт со двајцата сопружници и другото лице од Дебар кај кои веќе беше детектиран вирусот, биле соседи и во честа комуникација.
Останатите лица кои живееле во истата куќа се негативни на вирусот, информираше Филипче.
Како што информираше министерот претходно, седумте пациенти со коронавирус се со лесна клиничка слика, дишат сами без машина за вентилирање, првозаболената пациентка има втор негативен тест и наскоро ќе биде пуштена од Инфективната клиника на домашно лекување. Состојбата на сите лица кои се во домашна изолација е добра.