„Политичката кариера на Зоран Заев е завршена. Бегањето од дебати и одбивањето да одговори дали мирно ќе се повлече по изборниот пораз е доказ дека Македонија не е приоритет на единствениот аболициран политичар во Европа. Прв приоритет на Заев е личното богатење, а не демократските вредности во европска Македонија.
Колку побргу се повлече Заев од политиката толку подобро за Република Македонија“, велат од ВМРО-ДПМНЕ.
„Сите ја гледаат паниката која владее на Бихаќка. На Зоран Заев му е јасно дека досега е три пати аболициран, а тоа е последен пат некој да го спаси од одговорност за криминал. Знае дека после 12-ти април конечно ќе треба да одговара за сторениот криминал. Најпрво ќе му пресуди народот кој ќе му ја одземе власта, а потоа ќе му пресуди и ослободениот правосуден систем во Република Македонија.
Свесни сме и за стравот на неговите соработници кои што заедно со него беа дел од злосторничкото здружување, дел од криминално рекетарската банда која ја нарекуваа Влада.
Повеќе од јасен е и неговиот страв од дебата, откако на претходната дебата целата македонска јавност ја увиде неговата неспособност и некомпетентност да раководи со месна заедница, а не па држава.
12-ти април е се поблиску, укажувачите се погласни и побројни, а стравот се поголем. Нема ден, а јавноста да не дознае за некој нов криминал на Заев и неговата криминална банда.
На аболицираниот Заев нема да му помогне ниту политичкиот прогон, ниту затворањето на новинари. Не помагаат ниту притисоците, уцените и заканите. никој повеќе не се плаши од човекот со свиткана кичма.
Русковска и Јовевски нема да бидат тука вечно да го штитат аболицираниот Заев и неговата банда криминалци. нивните криминали се отворени како пупка во македонската јавност.
Гласот за Заев е глас за криминалот. Да не дозволиме поддршка за криминалот. Да не дозволиме да украдат уште 4 години од нашите животи.
Обновата доаѓа. Заев никогаш повеќе“, се вели во соопштението на ВМРО-ДПМНЕ.