Во изминатите 24 часа, од шест часот наутро вчера до шест часот утрово, на грчка територија бил спречен влез на 9.972 лица од Турција во делот околу Еврос, а биле уапсени 73 лица, брифираат извори од грчката Влада за медиумите во Грција.
#Evros this morning: hundreds of migrants and refugees remain stuck at Kastanies crossing point Tear gas deterrence by Greek authorities continues when they get too close to police cordon Refugee who shot this video says they are afraid to go back, intend to stay pic.twitter.com/wwL32OIGD1
— Giorgos Christides (@g_christides) February 29, 2020
Според истите информации, оние кои нелегално влегле во Грција и биле уапсени се од Авганистан, Пакистан и Сомалија и немаат никаква врска со Идлиб.
Околу два часот по полноќ имало масовен и организиран обид на поголема група млади мигранти да влезат на грчка територија, нелегално, од дел каде што не постои ограда, а се наоѓа во близина на граничниот премин.
Половина час претходно, грчката полиција и грчката војска ги забележале мигрантите и успеале да го спречат нелегалниот влез.
Во текот на вчерашниот ден, имаше и инциденти, откако насобраните лица од турска страна фрлаа камења, солзавец, дрва, железа кон грчката страна.
Од рано утрово, на грчко – турската граница се министерот за одбрана Никос Панајотопулос и неговиот заменик Алкивиадис Стефанис.
Грчкиот весник „Катимерини“, доцна синоќа објави дека во група на апликацијата „Телеграм“, постои повик за собир во понеделник во 12 часот напладне во Истанбул со цел да се стигне до границата со Грција.
#Evros now : more than 3.000 migrants and refugees hoping to break through Greek block at Kastanies crossing: for those of us who lived it, the nightmare of #Idomeni has revived. Is it too much to ask from @EU_Commission and @Frontex to give Greece a helping hand ? pic.twitter.com/rrb3iGGnZ3
— Giorgos Christides (@g_christides) February 29, 2020
-Ги информираме, оние кои сакаат миграција во Европа. Во соработка со „Црвената полумесечина“, бродови и чамци се подготвуваат да префрлат мигранти до грчките острови доколку грчката Влада не ја отвори границата, пишува, според „Катимерини“, меѓу другото во пораката на „Телеграм“ испратена во група што има 1.080 членови.
Весникот коментира дека не познато кои се креаторите на групата, а споменувањето на „Црвената полумесечина“ може да е трик за повикот да биде поверодостоен.