Вo Центарoт за јавно здравје во Велес минатата недела биле регистрирани 468 заболени од грип од кои најголем број се деца.
Споредено со претходната недела кога беа регистрирани 808 заболени, а што беше и најмногу за една недела годинава, изминатата недела бројот на заболени е во речиси двојно опаѓање, но сепак бројот на заболени е голем, посочуваат епидемиолозите од оваа јавна здравствена установа
Д-р Бојан Тодоровски од Центар за јавно здравје во Велес вели дека од 468 заболени 75 се деца на возраст до четири години, а 166 се школски деца основци на возраст од 5 до 14 години. Во старосната група од 15 до 64 години, каде има и деца средношколци заболени се 198, а на возраст над 65 години заболени се само 29 лица.
Во текот на февруари во Центарот за јавно здравје во Велес се регистрирани 1.359 лица заболени од грип, а во јануари имало само 88 заболени од грип.