„Законот за Јавно обвинителство е гаранција за воспоставување правна држава, за почитување на принципите за владеење на правото и за недвосмислената борба против криминалот и санкции за сите кои сториле кривично дело“, рече Костадинов.
Според него, СДСМ преку Законот за јавно обвинителство овозможува ослободување на правосудството и создава услови за независно и професионално постапување на судиите и обвинителите.
Тој посочи дека продолжуваат предметите на СЈО кои се во фаза на судско постапување и дека нема законска пречка да им се суди на партиските криминалци од редовите на ВМРО ДПМНЕ.
Костадинов во своето обраќање го повика судот да престане со бескрајното одложување на процесите и конечно да создаде услови за секојдневни судења.
„Продолжуваат истрагите и предистрагите на СЈО кои беа запрени со Мислењето на Врховниот суд иницирано од судијата Јово Вангеловски, кој важеше за судски заштитник на криминалот на ВМРО ДПМНЕ.
Затоа ги охрабруваме обвинителите сега кога се ослободени од закани и притисоци да ги завршат започнатите истраги“, соопшти Костадинов.
Исто така многу важно прашање за граѓаните и за независното постапување на јавните обвинителства е фактот дека со законот се овозможува избор на обвинители без влијание на политичари и политички партии.
Според него, со новиот закон се овозможува избор на обвинители без влијание на политичари и политички партии и нема да иманикаква скриена амнестија.
„Токму ВМРО ДПМНЕ е партијата која не сака да се соочи со фактите кои произлегуваат од Законот за јавно обвинителство затоа што целото нивно постоење и функционирање почива врз криминал и корупција. Граѓаните веќе го препознаваат дволичното однесување на Христијан Мицковски кој преку законот имаше една цел – како да се запрат истрагите и судските постапки на СЈО, а со тоа од одговорност да се амнестираат криминалците од ВМРО ДПМНЕ“, додаде Костадинов.