Со натпреварот Евертон – Стоук кој заврши со минимална победа на Евертон од 1:0 вечерва се комплетира саботната понудата од осум натпревари од 30.коло во Премиер лигата.
Изненадувањето на колото го направи Саутемптон кој го победи Челзи со 2:1.
На останатите средби екипите од водечката петорка немаа проблеми.
Лидерот Манчестер Јунајтед со 1:0 славеше на гостувањето кај Сандерленд, шампионот Манчестер Сити на свој терен беше убедлив и со 4:0 го порази Њукасл, а победа од 4:1 оствари и Арсенал пред својата публика во дуелот со Рединг.
Тотенхем до нови три бода стигна со тиумфот од 2:1 на гости кај Свонси.
На двата преостанати натпревара победи пред својата публика забележаа Виган во дуелот со Норвич со 1:0 и Вест Хем кој со 3:1 го победи Вест Бромвич Албион.
Утре, Астон Вила го пречекува Ливерпул, а в понеделник Фулам и Квинс Парк Ренџерс ќе го комплетираат колото.
Табела: Манчестер Јунајтед 77 бодови, Манчестер Сити 62, Тотенхем 57 (еден натпревар повеќе), Челзи 55, Арсенал 53,…