Тренерот на актуелниот европски шампион Вардар очекува многу тежок натпревар против Мотор Запорожје, но верува во добар резултат и покрај незавидната ситуација во која се наоѓа Вардар поради финансиската криза.
– Играчите се свесни за ситуацијата во која се наоѓаме. Но верувам дека тие ќе го дадат максимумот и заедно ќе се радуваме на победата. Евентуален триумф ќе значи и дефинитивно наш пласман во следната фаза. Мотор сигурно ќе дојде со амбиција да ги освои бодовите, но ние сме европски шампион, плус играме на наш терен се надевам пред полна сала и поддршка од нашите навивачи, рече Алушевски на денешната прес-конференција.
Натпреварот Вардар – Мотор Запорожје се игра в сабота во СЦ „Јане Сандански“ со почеток во 17:30 часот.