“Ферари” на спектакуларен начин го претстави својот нов болид за 2020, “СФ1000” вечерва во прекрасниот театар „Ромоло Вали“ во Реџо Емилија, со големи надежи за враќање на титулата во Маранело по повеќе од една деценија.
Промоцијата беше во прикладност со свечената локација, откако со оркестар се откри “СФ1000” од Шарл Леклер и Себастијан Фетел, а името е во чест на “1.000- Ф1” трка која ќе се вози оваа година, и во исто време 1.000 трка во историјата на “Ферари”.
2020. New decade, same goal.
Discover all contents at https://t.co/3v8D5ebZmw#SF1000 #essereFerrari ? pic.twitter.com/eXXUWhgc3U
— Scuderia Ferrari (@ScuderiaFerrari) February 11, 2020
Енцо Ферари ја основа „Скудерија Ферари“ во 1929 година, тим со кој подготвуваше автомобили за корисниците до 1933 година, кога го преземаа фабричкиот тим на Алфа Ромео.
Во 1939 година, Ферари си замина и се натпреваруваше со сопствен бренд, прво под името „Ауто Авио Коструциони“.
Првиот болид на Ферари се појави во 1947 со 125 С, а тимот е единствениот кој учествувал во првиот Светски шампионат во “Ф1” во 1950 и секоја година потоа.
Седумдесет години подоцна, “Ферари” има најмногу титули кај конструкторите (16) и кај возачите (15), но 2010-тите беа прва деценија без титула.