Министерката за одбрана Радмила Шекеринска од носачот на авиони „Хари С. Труман“ преку објава на „Фејсбук“ порача – Стануваме 30. членка на Алијансата и веќе сме дел од семејството.
„Ден полн со адреналин. Слетавме на носачот на авиони „Хари С. Труман“. Заедно со премиерот Зоран Заев и шефот на парламентот Талат Џафери, таму имавме средба со адмирал Џејмс Фого, командант на американските поморски сили за Европа и Африка и командант на Здружените сојузнички сили на НАТО во Неапол.“, напиша Шекеринска на „Фејсбук“.
„Тоа беше можност одблиску да се доживеат импресивните капацитети на воздушно поморските сили на САД и на НАТО. Стануваме 30. членка на Алијансата и веќе сме дел од семејството.“, наведе Шекеринска.