Албанскиот премиер Еди Рама им приреди изненадување на Аурелин и Алејсон, двете деца кои во силниот земјотрес од 6,4 степени по Рихтер што ја погоди Албанија, за да се спасат, скокнале од балконот од своите домови.
Децата се здобија со повреди, но за среќа успеаја да се опорават.
Рама ги посети двете момчиња кога биле хоспитализирани во болницата по повредите здобиени од земјотресот. Алејсон изрази желба да се сретне со Буфон, додека Аурелин посака да го види Роналдо.
По излегувањето од болница, Рама ги однесе децата во Торино, каде ги ги запозна со Роналдо и Буфон.
Тие добија подарок дресови потпишани од двајцата популарни фудбалери.
– Благодарам многу Роналдо, ова е од големо значење, не само за децата, туку и за целата држава – изјави Рама.