Српскиот премиер Ивица Дачиќ денес во Брисел изјави дека појавата на афлатоксин во млекото во Србија е поради неусогласената брзина на примена на европските прописи за човекова и сточна храна и додаде дека за тоа го известил европскиот комесар за здравје и заштита на потрошувачите, Тони Борг.
Ние пред неколку години сменивме еден пропис за количината на одредени супстанци во храната за луѓето, но не и за храната за животните и производите добиени од нив, која е согласна со прописите на Србија за дозволената количина во храната за животни, поради што има последици по количината на афлатоксинот во млекото – изјави српскиот премиерт.
Тој нагласи дека и двата прописа требало истовремено да се применат и додаде дека целта на српската владата е во наредните месеци да донесе закон за безбедноста на храната.
Елена Георгиевска