Легендарниот играч на Манчестер Јунајтед, Ерик Кантона би сакал да го види во дресот на својот поранешен клуб, турскиот напаѓач, Бурак Јилмаз.
Кантона смета дека тој многу би придонел за играта на „ѓаволите“, и дека одлично би се снашол во тој тим.
„Бурак Јилмаз е одличен фудбалер. Во неговата игра гледам многу слични карактеристики како моите. Ако може да дава голови во Лигата на шампионите, би можел истото да го прави и во Премиер лигата. Манчестер немал таков напаѓач уште од времето на Кристијано Роналдо“ – изјави Кантона.
Јилмаз постигна гол на последните шест натпревари во Лигата на шампионите, изедначувајќи го рекордот на Шамак во дресот на Бордо од 2010 година.
Тој се наоѓа на врвот на листата на стрелци заедно со Роналдо.