Авион од типот „Боинг-737“ денеска излета од пистата при слетувањето на аеродромот во полскиот град Катовице, по што остана заглавен во калливото поле.
Како што соопшти претставник на аеродромот, авионот на чешката авикомпанија „Травел Сервис“ по излетвувањето продолжил да се движи уште 20 метри по калливото поле, по што со предниот дел заглавил во калта.
Според него, никој од 176-патници и шестмината члeнови на екипажот не е повреден при инцидентот.
Авионот летал од египетското одморалиште Шарм ел Шејк до Катовице.
По несреќата аеродромот е затворен за сообраќај и сите летови се пренасочени кон Краков.