ВМРО-ДПМНЕ, во реакција на изјавата на пратеничката од СДСМ Радмила Шекеринска дадена пред Јавното обвинителство, обвини дека ниту таа ниту нејзината партија се уште не се одважиле да ја признаат штетата што ја направиле врз меѓународниот углед на Република Македонија.
– Таа и нејзините колеги од СДСМ насилно нападнаа Претседател на Собранието на Република Македонија, го зазедоа неговото место, кршеа и уништуваа државен имот, спречуваа колеги пратеници да влезат во собраниската сала, напаѓаа собраниско обезбедување и попречуваа функционирање на законодавниот дом. Шекеринска мора да знае дека пратеникот има морална обврска да се грижи за дигнитетот на институцијата Собрание на Република Македонија, се наведува во соопштенито од ВМРО-ДПМНЕ.
Според владејачката партија, најмалку што треба да направат пратениците од опозицијата е да ја платат материјалната штета и да се извинат за штетата на угледот на Собранието и Република Македонија.