„Од оваа преполнета сала на Груевски му е пожешко. Стравот се победува во Македонија. Од ден на ден го разбиваме стравот кои тие го наметнаа“, рече на трибината во Битола, лидерот на ЛДП, Андреј Жерновски.
Има една Македонија која ја даваат на нивните реклами, но има и една сиромашна и понижена македонија, рече Жерновски.
Први сме, рече по стапка на сиромаштија, бесперспективност, по индекс на мизерија. За „Скопје 2014“, странските медиуми кажуваат дека е најголема пералница на пари, проектот сега чини неверојатни 350 милиони евра, три дрвца чинат 250 илјади евра. Тие , посочи Жерновски, се викаат Вера, Надеж и Љубов, и прво се исуши врбата која се викаше Надеж.
Политичкиот земјотрес во Битола за ВМРО-ДПМНЕ , прогнозираше во Битола ќе биде во март 2013 година. Ги пренесе ставовите на граѓаните дека треба 4-те партии од „За демократска Македонија“ да ги заборават идеолошките разлики и да работат заедно за уривање на власта на Груевски.