Во ВМРО ДПМНЕ ништо не се менува, се уште е заглавена во истата криминална матрица. Претседаталот на општинскиот комитет на ВМРО-ДПМНЕ во Кавадарци е фатен на лице место како краде вода за пиење од изворот Лукар, за наводнување на својот лозов насад во Ваташа, рече Гордан Шутаров од СДСМ на денешната прес-конференција.
„Кривична пријава е поднесена и поранешниот градоначалник на Неготино Ванчо Апостолов за злоупотреба на службената положба со што го оштетил буџетот на општината за над 7 милиони денари.
Кривични пријави поднесени се и против поранешниот директор на основното училиште „Свети Кирил и Методиј“ во Македонска Каменица, како и против поранешниот ВД директор на АД Водостопанство, подружница Кумановско – Липковско поле.
Ништо не е сменето во ВМРО-ДПМНЕ, од централно па до локално ниво во опозициската партија присутна е матрицата на криминал и незаконско однесување.
Денес, ВМРО-ДПМНЕ и Христијан Мицкоски нудат само обнова на криминалот и деструкција.“, наведе Шутаров.