Црна Гора на Србија ќе и врати 500 тони контаминирано млеко, изјави помошникот на директорот на Управата за инспекциски работи, Спасо Поповиќ.
Поповиќ изјавил дека од Србија е увезено 600 тони млеко, а се очекува да бидат вратени помеѓу 400 и 500 тони, бидејќи како што тврдат анализата на центарот за екотоксиколошките испитувања покажале дека има зголемено ниво на афлатоксин.
-Сега треба да се подготват документите, бидејќи постои процедура кога производите ќе се враќаат од нашата држава. Во овој случај е завршена е царинската постапка, а млекото треба да им се врати на извезувачите. Ние веќе пративме допис до ветеринарната управа со образложение што се е потребно за да се врати млекото – истакна тој.
Што се однесува до домашното млеко Попвиќ изјави дека нема да биде уништено, бидејќи немаат неисправни количини.
Елена Георгиевска