Вицешампионот во Формула 1, Фернандо Алонсо испрати благо предупредување до своите ривали пред почетокот на новиот шампионат. Шпанецот е верува дека е подготвен да се издигне на самиот трон и е уверен дека напредувал во однос на ланската година.
„Мислам дека човекот може секогаш подобро и ја сум подготвен тоа да го покажам. Минатата година беше најдобра во мојата кариера, но верувам дека оваа ќе биде уште подобра. Имаме подобра основа, научивме одредени работи од грешките кои ги правевме во 2012 година и имаме на што да се надеваме. Кога се ќе се собере, добро сум подготвен и ќе бидам подобар од минатата година“ – изјавил Алонсо.
Возачот на Ферари премиерната можност за освојување на бодови ќе ја има веќе на 17. март кога во Мелбурн се вози првата трка во Формула 1 за Големата награда на Австралија.