Новиот амбасадор на Република Грција во Македонија, Теохарис Лалакос, на денешната средба со битолскиот градоначалник Владимир Талески, истакнал дека Грција е подготвена да се реши проблемот со името.
Никогаш не сум дал изјава за тоа колку брзо ќе биде решен проблемот, бидејќи тоа е нешто што јас не преговарам како претставник на Грција во Скопје. Искрено се надевам дека проблемот со името ќе биде решен наскоро, затоа што грчката влада и официјално има изјавено и постојано повторува дека е подготвена да се реши проблемот. Ние цврсто веруваме дека соработката што постои помеѓу двете земји и двата народа, која е многу добра во многу области, може да биде ослободена и да го достигне својот целосен потенцијал кога ќе имаме прифатливо решение за проблемот со името, прифатливо за двете страни – изјави Лалакос.