Дали би можеле да го поминете остатокот од вашиот живот со некој кој би ви се допаднал на прво мирисање.
Ваква забава за меѓусебно „мирисање“ беше организирана во Њујорк од групата „Калифорниски жени уморни од он-лајн запознавања“.
Сите присутни преку експериментални обиди требаше да изберат партнер според мирисот.
Корените на оваа идеја се темелат на научните откритија дека луѓето при изборот на својот партнер го користат мирисот.
Организаторите ги замолиле своите гости да ја донесат маицата во која спиеле претходната ноќ и таа истата другите би ја помирисале и според мирисот би требало да го изберат својот партнер.
Сите маици спакувани во пластични ќеси биле оставени во уметничка галерија. Посетителите ја отварале ќесата ги „шмркнувале“ маиците со надеж дека ќе го препознаат мирисот на својот идеален партнер. Сите кошули биле нумерирани со цел полесно да се поврзат двојките. Откако ќе изберат мирис тие се фотографираат со својот избор, а потоа доаѓа сопственикот на сетилното откритие.
Џудит Прајс, веб програмер, рече дека идејата за ваква „феромонална забава” ја добила откако не успеала да најде партнер на интернет. Се започнало како експеримент. Таа замолила 40 пријатели да спијат три дена во кошулите, ги ставила во пластични кеси и ги замрзнала.
Машките кошули биле обележани со сини броеви, а женските со розеви.
Забавата станала хит и споила половина од посетителите. Џудит планира да организира такви забави и во друготе градови на Америка, така што повеќе осамени души би ја пронашле својата идеална половина.