Претседателот Ѓорге Иванов денеска ги посети Амбасадата и Постојаната мисија на Македонија при ОБСЕ, ОН и други меѓународни организации во Виена.
При посетата амбасадорите Ѓорги Филипов и Зоран Дабиќ го информираа Иванов за тековните и идните активности на амбасадата и на мисијата.
Претседателот Иванов престојува во Виена како учесник на 5. Глобален форум на Алијансата на цивилизациите на ОН.
На маргините на форумот имаше повеќе средби, меѓу кои со генералниот секретар на ОН Бан Ки-мун, со австрискиот претседател Хајнц Фишер, со премиерот на Турција Реџеп Таип Ердоган и со генералниот секретар на ОБСЕ Ламберто Заниар.