СВР Струмица поднесе кривична пријава против две лица од радовишкото село Ораовица и едно лице од Радовиш, кои со злоупотреба на службената положба и овластување го оштетиле буџетот на на ЈП „Македонски шуми“ за 4.609.482 денари.
Како што соопшти МВР, во текот на 2015 година првопријавениот како директор на Шумското стопанство „Плачковица“-Радовиш, и второпријавениот, како референт за приватни шуми во наведеното правно лице, спротивно на Законот за шумите издале одобрение за сеча на правно лице од Куманово.
Исто така, третопријавениот, како референт за сеча и превоз во наведеното правно лице, спротивно на Законот за шумите, издал испратници за транспорт на дрвна маса на правното лицето од Куманово, кое не било регистрирано во регистарот за правни лица кои вршат промет со дрва и дрвни сортименти.
-Со ова, пријавените му овозможиле на сопственикот на правното лице од Куманово да се стекне со противправна имотна корист од 4.609.482 денари на штета на Буџетот на ЈП „Македонски шуми“, соопшти МВР.
