Ураганот Барбара добива на сила додека преминува преку Тихиот океан во насока запад-северозапад.
Американскиот Национален центар за урагани објави дека пристигнуваат ветрови кои дуваат со брзина од 215 километри на час, со уште посилни повремени удари, поради што овој ураган спаѓа во четврта категорија.
Центарот на ураганот е на околу 1.705 километри југозападно од јужниот врв на мексиканскиот полуостров Баха, Калифорнија и се движи кон брегот со брзина од 24 километри на час.