СДСМ смета дека денеска продолжило партиско-полициското насилие, кое е невидено за парламентарни демократии и за земја која претендира да биде членка на ЕУ и НАТО откако власта преку министерката за внатрешни работи Гордана Јанкулоска, ѝ понуди на опозицијата да се врати во Собранието и од 15 часот да учествува на вонредна седница на која треба да се изгласа итно донесениот предлог-закон за продолжување на рокот за доставување кандидатури за претстојните локални избори до 3 март.
Откако вчера на лицемерната прес-конференција на Зоран Ставрески, не соопшти никаков предлог, денес ВМРО-ДПМНЕ уште побезобразно излезе со Гордана Јанкулоска. Ја потсетуваме режимската ВМРО-ДПМНЕ дека „Сојузот за иднината“ не одлучи да ги бојкотира претстојните локални избори затоа што немаше време за кандидатски листи, туку поради целосната неодговорност на власта и нејзиниот партиско полициски пуч – изјави генералниот секретар на СДСМ, Андреј Петров.