Новозеландската цивилна заштита издаде тревога по земјотресот со јачина 7.4 степени, регистриран во Тихиот океан кај островот Кермадек, ненаселен дел на Нов Зеланд.
Земјотресот се случил во 10 и 55 часот по локално време, на длабочина од околу 34 километри, 928 километри североисточно од градот Тауранг, на северот на Нов Зеланд.
„Се очекуваат необично силни и опасни струи, како и непредвидливи бранови. Тоа би можело да претставува закана за луѓето кои би се нашле на плажите, пристаништата, како и за пловење со мали бродови“, наведе Центарот за тревога на цунами во Пацификот.
Се оценува дека брановите би можеле да ги погодат некои од островите кои се наоѓаат во јужниот Пацифик.