Пентагон ја извести Турција дека ќе го поништи договорот за продажба на воените авиони Ф-35 доколку турската влада го купи рускиот противвоздушен систем С-400.
Вршителот на должноста американски министер за одбрана, Патрик Шенехан ја извести Анкара дека на 31 јули ќе престане обуката на турските пилоти и дека сите турски државјани поврзани со програмата за развој на Ф-35 ќе мора да ги напуштат САД до крајот на јули.
Во писмото до турскиот министер за одбрана Хулуси Акар се наведува дека на Турција нема да и бидат испорачани последните четири авиони Ф-35 кои ги има купено.
Писмото е најнова етапа од спорот околу турската одлука да купи руски противвоздушен систем С-400. САД повеќепати ја предупредија Турција дека С-400 е закана за откривање на тајните на најновиот авион Ф-35.
Турскиот претседател Реџеп Таип Ердоган во вторникот изјави дека не доаѓа во предвид Турција да се повлече од спогодбата со Москва.
Ергодан кажа и дека САД не им дале таква добра спогодба како таа за С-400 на Русите.