Гостивар беше домаќин на 30 градоначалници на турски општини, јави порталот Локално.
Делегацијата ја пречека градоначалникот на Гостивар, Руфи Османи а целта на посетата беше продлабочувањето на соработката на турските општини со општини од Македонија во општо, а посебно со општина Гостивар во која имало неколку инвестиции и донации, а последно од низата е камионот за собирање и превезување отпадоци.
На присутните им се обрати и генералниот секретар на Унијата, Хајретин Ѓунѓор, кој исто така изрази оптимизам за понатамошната соработка на унијата со општина Гостивар.
За добрата соработка и соживотот во Гостивар, говори и фактот за унапредувањето на употребата на турскиот јазик во општинската администрација во Гостивар.
Во знак на благодарност, градоначалникот на Гостивар на секретарот и претседателот на советот на Унијата, им подари плакети со грбот на општината.