Во 21:30 часот вечерва фановите ги пречекаа шампионите на скопскиот аеродром со мал огномет. По повеќе од три часа чекање толпата навивачи ги дочекаа своите ракометни херои. “Една љубов, еден живот Вардаре”, им запеаја присутните.
Навивачите извикуваа „шампионе, шампионе“ и „Столе, ти си наша икона“. Со пехарот во раце излезе Стоилов. Фановите ги пречекаа хероите со песните „Вардаре шампионе“, но и „Никогаш Северна“.
Автобусот со ракометарите се упати кон центарот на градот, каде шампионите ќе прослават Европската шампионска титула заедно со фановите.