Република Македонија доживува крах на сите полиња. Неуспехот на Владата на СДСМ кулминира со недобивањето на датумот за преговори кој Зоран Заев го прославуваше уште лани, вели ВМРО-ДПМНЕ преку соопштение.
„СДСМ и Зоран Заев во очај продолжуваат да ја покриваат неспособноста со политички прогон, селективна правда и демонстрирање на сила кон сите политички противници.
Покренатото обвинение за случајот со собраниските настани од 27 април е целосно неосновано, правно неиздржано и класична монтирана нарачка од Зоран Заев со која треба да се направи дефокус од неуспесите и коруптивните скандали на владата.
Зоран Заев е свесен дека државата тоне и владиниот криминал се покрива преку монтирани политички случаи каде што се гонат членови на ВМРО-ДПМНЕ.
СДСМ и Заев се свесни за крајот на нивните политички кариери. СДСМ и Заев еден ден ќе одговараат за политичкиот прогон што го прават.“ се вели во соопштението на партијата.