Познатиот готвач Џејми Оливер се соочува со голем пораз откако голем број од неговите ресторани беа затворени, а без работа останаа повеќе од 1000 луѓе.
Тој на своите вработени преку мејл им се заблагодари за соработката.
View this post on Instagram
Џејми никому поединечно не рекол дека добил отказ но се обратил во мејл во кој пишувало:
-Знам колку е тешка оваа вест за вас и сакам да ве уверам дека ги истражив сите можности во изминативе месеци за да ја спасам работата. Направив се што можев, напиша Џејми и нагласи дека ќе ги исплати платите, пишува “24sata.hr”.
Џејми вложуваше во рестораните за да ги спаси, но тоа не му помогна.
-Во моментов, не можам физички да бидам со вас, но сакав на сите да ви се заблагодарам што го ставивте срцето и душата во нашите ресторани. Има многу работи со кои треба да се гордеете – Џејми пишува во е-поштата и додава:
– Нашите стандарди за храна секогаш не издвојуваа од конкуренцијата. Сите наши состојки беа од висок квалитет и произведени на траен и одржлив начин. Ми беше чест и задоволство да бидам дел од ова, па затоа тешко ми е да се збогувам.
– Луѓе, вие сте најдобри во вашата работа и знам дека наскоро ќе направите одлични работи. Искрено се каам и ви испраќам љубов, благодарност и што е најважно, ви посакувам среќа. Денес е многу тажен ден – истакна Џејми.