Во Кавадарци и реонот на висорамнината Витачево денеска ќе се одржи обука и тактичко-показна вежба на Дирекцијата за заштита и спасување и на вработените во ЈП Македонски шуми.
Вежбата ќе опфати обука за гаснење пожар на отворен простор на вработените од ЈП Македонски шуми во објектот СОЗШУ „Ѓорче Петров“, крај езерото на висорамнината Витачево, како и тактичко-показна симулациска вежба за гаснење пожари на отворен простор со вклучување тимови и специјални возила за гаснење шумски пожари во шумскиот дел на висорамнината Витачево.
Предвидена е и тактичко-показна симулациска вежба во соработка со Авио одделението на ДЗС и вработените на ЈП Македонски шуми.