Директорот на Дирекцијата за заштита и спасување (ДЗС), Стојанче Ангелов информираше дека попладнево избувна нов пожар на територијата на Општина Штип, меѓу населбите Баби и Дузлак, над филтер-станицата, при што е зафатена борова шума.
Според Ангелов, Територијалната противпожарна единица (ТППЕ) Штип интервенира со целосниот расположлив капацитет во обид да се стави пожарот под контрола.
-Пред малку изби тежок пожар на територијата на Општина Штип помеѓу населбите Баби и Дузлак над филтер станицата. Со оган е зафатена борова шума – соопшти Ангелов.
„Воедно, во секој момент ќе полетаат два ‘ер трактори’ на ДЗС“, порача тој.
Тој додаде дека во гаснењето ќе се вклучат и неколку доброволни противпожарни друштва кои ќе им пружат поддршка на штипските пожарникари.