Изложба на фотографии кои никој досега ги нема видено направија неодамна јавните библиотеки на Њујорк.
Граѓаните на метрополата можеа за првпат да ги видат сликите од симболот на слободата и неговото настанување, подоцна познат како симбол на Америка и патрон на градот Њујорк – Статуата на слободата.
Фотографиите се снимени во периодот помеѓу 1877 година и 1885 година во Париз каде што е направена статуата. Потоа е префрлена во Америка, 1886 година како подарок од Французите на САД во знак на нивното пријателство.
Вискока е 46,5 метри, но ако се додаде и држачот висок 47 метри, тогаш вкупната висина изнесува 93,5 метри. Таа во раката држи книга, односно американската Декларација за независност.
Авторот на Статуата е Фредерик Аугуст Бартолди кој ја претставил римска божица на слободата Либертас. Металната конструкција е дело на архитектот Густав Ајфел, познат како главен архитект на Ајфеловата кула во Париз.
