Сто дваесет и пет лица заболени од грип во последните седум дена се регистрирани во Службата за епидемиологија при Центарот за јавно здравје во Кавадарци, соопшти попладнево раководителот на Службата, епидемиологот Ристе Јовановски.
– Од почетокот на сезоната за грип во октомври месец, па се досега, евидентирани се 396 лица со грип. Меѓу нив не се оние кои исто така имаат грип, но се лекуваат во домашни услови, ниту тие кои се јавиле на лекар, но матичните не ги доставиле информациите до нас, рече Јовановски.
Тој додаде дека бројот на заболени од грип сезонава е помал од оној во истиот период лани.