Во Граѓанскиот суд во Скопје попладнево заврши судското рочиште во кое братот на премиерот, Вице Заев, го тужи за навреда и клевета, потпретседателот на ВМРО-ДПМНЕ, Алексансар Николоски за теелфонска изјава дека е главен бинзис фактор во државата и дека европски вредности не се местени тендери на Вице Заев.
Судијката Кети Германова на денешното судење ги изведе доказите, меѓу кои и снимката од спорната изјава, а беа изнесени завршните зборови.
Горан Заев, адвокатот на Вице Заев, рече дека од изведените докази се покажало дека со клеветата на Николоски дека се компромитира личноста на Вице Заев и почитта од сограѓаните.
„Слободата на изразување сепак во определени услови може да биде санкционирана и ограничена, во случај кога со слободното изразување се нарушува на угледот и правата на другите“, рече адвокатот на Вице Заев и појасни дека со изјавата му се нарушени честа и угледот.
Николоски во завршните зборови рече дека изјавата е дадена како потпретседател на ВМРО-ДПМНЕ, и должност на опозицијата е да отвора прашања во јавноста, со цел јавноста да врши надзор и критика над работењето на власта.
„Изјавата е дадсна со цел да де даде критика на власта предводена од СДСМ и е насочена кон работата на Владата и за големиот број афери кои постојано излегуваат во јавноста“, рече Николоски.
Тој пред судот рече: „Немав намера да го навредам тужителот. Делот со наместени тендери е изваден од контекст и не се однесува на тужителот, туку на работата на Владата“.
Причината за тужбата е поради тоа што Николоски во телефонско интервју за рекол дека Вице Заев и неговото семејство ги добиваат сите главни бизниси во државата.
Вредноста на спорот е 30 илјади денари. Вице Заев беше повикан на расчит и објасни дека тужбата е поради лагите и манипулациите кои ги изнел Николовски во телевизиската емисија со што му гу нарушиле честа и угледот.
Објавата на пресудата, судијката Германова го закажа за 22 април.
Васко Маглешов