Заедничката вежба на словенечки вооружени сили и американски војници, наречена „Липицанер Пет”, почнува денеска на воените полигони во Постојна и во Ново Место.
Словенечката војска, преку официјалната интернет страница, соопшти дека до 21 март на патиштата околу овие два града може да се очекуваат средби со воени возила.
Се наведува дека во вежбата ќе учествуваат и припадници на единиците на логистичката бригада и 15 полкови на воздухопловните сили на словенечката армија, со поддршка на баталјонот на 173-та воздухопловна бригада на американската армија.