ВИДЕО: Делови од Балканот зафатени од урагански ветер

Делови од Хрватска, јужна Босна и Херцеговина, како и Црна Гора и Косово минатата ноќ беа зафетени од силен ветер, што дуваше со брзина и до сто киломатри на час, предизвикувајќи значителни материјални штети.

Во делови од Далмација дуваше најсилна бура што е некогаш измерена, а утрово околу 4 часот во Сплит е измерен ветер од 176 километри на час.

Едно лице е повредено во босанскиот град Мостар, кога врз возилото со кое патувал паданало дрво откорнато од силниот ветер. Повредениот маж е пренесен во мостарската Универзитетска болница и е вон животна опасност.

Силниот ветер корнел и туркал дрва и столбови во повеќе делови на Херцеговина, предизвкувајќи блокади на патиштата и проблеми во сообраќајот и оштетувајќи повеќе возила и фасади на објектите, а превртел и еден камион.

Локалните власти на Требиње информираа дека силниот ветер речиси целосно го уништил градскиот парк во овој град на југот на БиХ, а биле однесни и покривните конструкции на повќе куќи и згради.

Силниот ветер беше причина избувнување на неколку пожари во хравтскиот реон на Далмација, во близина на Сплит, Макарска, Солин и Задар.

View this post on Instagram

Location: #Croatia, island #Pag, near popular #party destination #Zrce #beach and city of #Novalja, at the #paskimost (bridge) during the #hurricane force #bura #wind, which was at that moment blowing around 170km/h, and #bridge was closed for all traffic. During closeups you can notice how wind is deforming the faces. At the end of the #video you can notice a layer of #salt on the lens is getting thicker and thicker.  #islandpag #otokpag #hrvatska #kroatien #croazia #croatiafulloflife #croatiabooking #bookingcroatia

A post shared by @ croatiabookingorg on Feb 22, 2019 at 7:21am PST

Само во реонот на Макарска биле регистрирани четири пожари, а утрово околку 5 часот, пожар избувнал и во близина на Солин, каде огнената стихија зафатила борова шума.

Во близина на Сплит пожар избувна синоќа околу 23 часот во месноста Брда, каде огнот зафатил трева и нискостеблеста шума. Пожарот бил изгаснат во текот на ноќта, а при гаснењето полсено е повреден еден пожарникар.

Помали пожари избувнале и кај местата Нин и Вргорац, во близината на Задар.

Во црногорскиот град Бар пак, силниот ветер урнал скеле поставено за реновирање на еден хотел, но при тоа никој не е повреден.

Црногорските метеоролози информираат дека силниот ветер донел невообичаено студено време за крајбрежните делови на Црна Гора за овој период од годината.

Силниот ветер предизвикал погелми материјални штети и во косовскиот главен град Приштина.

Ветрот предизвикла кинење на кабли на далеководи, поради што неколку косовски села се без електрична енергија.