Со официјалната промена на уставното име на Република Македонија започна и спроведувањето на мерките за промена на написите и таблите на државните институции на кои стои името Република Македонија.
Помеѓу првите органи на државната управа која го промени написот „Влада на Република Македонија“ е Секретаријатот за европски прашања на чие чело стои вицепремиерот Бујар Османи. Меѓутоа, при впишувањето на новото име на државата, на англиската верзија на сајтот на Секретаријатот, направена е грешка. Наместо North, на сајтот е напишано Nort Macedonia што во превод нема никакво значење. Па сега на официјалниот сајт на Секретаријатот стои Government of the Republic of Nort Macedonia.
Имплементирањето на написите со новото име на државата започна пред два дена откако на граничниот премин Богородица за прв пат се испиша името на Република Северна Македонија.
Виктор Јованов