Во Куманово се откажани сите културни настани, како и настани поврзани со одбележување на празникот Свети Трифун, поради прогласените Денови на жалост за жртвите од трагичната сообраќајна несреќа на автопатот Скопје – Тетово.
Надлежните од кумановскиот театар, изразуваат сочуство на семејствата на загинатите во во тешката сообраќајна несреќа која се случи вчера.
– Денеска и утре се денови на жалост и Театар Куманово ја откажува вечерашната претстава „Мани мани мани”. Сите оние кои што купија билети, можат да ги искористат за следна изведба (19.02.2019), се наведува во соопштението на кумановскиот театар.
И средното стручно земјоделско училиште „Киро Бурназ“ ја откажа манифестацијата за закројување на лозјето, во знак на жалост за трагично загинатите од сообраќајната несреќа.
