Алијансата за Албанците ја поздравува одлуката на ДУИ да се натпреварува со свој кандидат на претстојните претседателски избори. Од таму велат дека посакуваат кандидатот за претседател од редовите на ДУИ да биде Албанец.
„Не би сакале да веруваме дека оваа нивна одлука дојде како последица на затворената врата и презир кон ДУИ во однос на нивната лажна идеја за консензуален кандидат, денес со СДСМ, вчера со ВМРО-ДПМНЕ“, велат од Алијансата за Албанците.
Од таму додаваат дека се надеваат дека одлуката на ДУИ се должи на предизвикот на претседателот на Алијансата за Албанците, Зиадин Села упатен јавно преку медиумите, за соочување со ДУИ.
„Бидејќи ДУИ го прифати овој предизвик, ги охрабруваме да го прифатат и другиот, т.е. распишување на предвремени парламентарни избори заедно со претседателските“, велат од Алијансата за Албанците.