Со 5 месеци затвор, Основниот суд во Струга го осуди Минир Исмаили од селото Шум кој на 23 јануари го запали државното знаме на Република Македонија. Според судот, Исмаили предизвикал расна и етничка нетрпеливост.
Одбраната на обвинетитот вели дека не се задоволни од пресудата и ќе се жалат на повисоки судски инстанци и сметаат дека Исмаили не предизивикал никаква нетрпеливост кај граѓаните.
Обвинетиот Исмаили за А1 кажа дека тоа го направил затоа што на европското првенство во ракомет во Србија во присуство на Претседателот на РМ од страна на македонските навивачи биле извикувани навредливи антиалбански навреди. Тој најави протести доколку политичките партии на Албанците „не реагираат на ваквите појави“ со цел да го крене гласот на сите Албанци што живеат во Македонија.
