Бројот на жртвите од катастрофалниот земјотрес во Еквадор се зголеми на 655 лица, пренесе агенција ТАСС, повикувајќи се на весникот „Универсо“.
Според информации на весникот, објавена синоќа, над 17.000 лица побарале медицинска помош по земјотресот. Спасувачите успеаја да извадат од урнатините 113 преживеани, а 48 лица се водат за исчезнати.
Претседателот на Еквадор Рафаел Кореа објави осемдневна жалост во спомен на жртвите на катастрофата.
Најсилниот земјотрес во Еквадор од 1979 година беше регистриран на 16 април во реонот на градот Педерналес, во северозападната провинција Манаби. Земјотресот беше со јачина од 7,8. Материјалната штета се проценува на неколку милијарди долари.