„Жолтите елеци“ во Франција ќе основаат партија, чии водач ќе биде Жаклин Муро, која им припаѓа на главните и умерени актери на протестното движење „Жолти елеци“ во Франција.
Нејзината нова партија, според досегашните најави би требало да излезе и на локалните избори во 2020 година.
За весникот „Фигаро”, Муро изјави дека нејзината цел е да му понуди на Французите друга опција, со тоа што нејзиното движење ќе се разликува од традиционалните политички движења.
Педесетгодишната Жаклин вели дека сè е на самиот почеток. Статутот сé уште не е целосно готов, но сè треба да се направи што е можно побрзо. Следната година, новата политичка формација треба да оди на локалните избори.