Украина ја обвини Русија за дестабилизација на Белорусија и претворање на својот помал сосед во „нуклеарен заложник“, откако Владимир Путин објави дека Москва постигнала договор за стационирање на тактичко нуклеарно оружје на белоруска територија.
Лидерката на опозицијата во егзил Светлана Тихановскаја рече дека овој потег е „во голема мера спротивен на волјата на белорускиот народ“ и го одразува натамошното потчинување на Белорусија под руска контрола.
Олексеј Данилов, шеф на Советот за национална безбедност и одбрана на Украина, го нарече договорот „чекор кон внатрешна дестабилизација“ на Белорусија и рече дека го максимизира нивото на „негативна перцепција и јавно отфрлање“ на Русија и Путин во белоруското општество.
„Кремљ ја зеде Белорусија како нуклеарен заложник“, напиша тој на Твитер.