Ирачките сили се повлекоа од северниот ирачки град Тикрит, што под контрола го држат екстремистите, откако во операциите за повторно заземање на градот наидоа на жесток отпор, изјави денеска војник кој учествувал во борбите.
Владините војници и сојузничките шитски доброволци кои учествуваат во борбите, биле принудени да се повлечат во нивната база на четири километри јужно од Тикрит, откако биле изложени на силен минофрлачки и снајперски оган, соопштија безбедносни извори.
Обидот за преземање на Тикрит, што на 12 јуни падна во раце на сунитските бунтовници под водство на екстремистичката група „Исламска држава во Ирак и Левантот“, почна пред 20-тина дена.
Утринава во Тикрит не се забележени никакви борби, тврдат локални жители.