Жена бомбаш-самоубиец уби денеска шест верници во христијанска црква во Потискум, град на североистокот на Нигерија, кој беше мета на напади и три недели порано, соопштија очевидци и полицијата.
– Луѓето само што влегуваа во црква кога жената бомбаш влезе, инаку бројот на жртвите би бил поголем, рече претставник на Црвениот крст Хасан Алхаџи Мухамед, кој го посети местото на експлозијата на периферијата на Потискум.
Самоубиецот се разнесе среде христијанската црква Редимед, во најновиот во серијата бомбашки и оружени напади за кои се обвинуваат екстремистите на Боко Харам, кои минатата седмица убија околу 200 луѓе во Нигерија.