Поранешниот премиер Жан-Марк Ејро, денеска е назначен на местото министер за надворешни работи на Франција, јавува дописникот на МИА од Париз.
Жан-Марк Ејро доаѓа на местото на Лоран Фабиус кој е назначен за претседател на Уставниот совет на Франција, но кој и понатаму останува со министерска функција како претседавач со КОП.
Во владата влегува и лидерот на Зелените и еколозите Емануел Кос, со што зелените се враќаат во владата. Таа ќе ја има функцијата минисер за станбени прашања.
Францускаат влада доби и нова министерка за култура и комуникации Одре Азуле, која доаѓа на местото на Флер Пелеран.
Францускаат влада предводена и понатаму од Мануел Валс брои 38 членови, меѓу кои има многу млади, посебно меѓу државните секретари.
Ова е најверојатно последната промена во владата, пред претседателските избори во 2017 година.