Зградата во Берлин, каде во понеделникот беше уапсена Даниела Клет (65), попладнево е евакуирана откако полицијата пронашла сомнителен предмет.
„Зградата е евакуирана. Пронајден е сомнителен предмет за кој постои сомневање дека е експлозив“, изјави портпаролот на полицијата.
Единици за отстранување експлозив се внатре и засега не е познато за што станува збор.
Се уште не е познато каде е пронајден сомнителниот предмет.
Соседите од понеделникот се во шок, откако дознале дека во нивната зграда со години живее една од најбараните криминалци.
– Мораме да излеземе, изгледа нашле експлозив, рекол еден од соседите.
За потсетување, полицијата се сомнева дека Даниела и нејзините соработници се виновни за нападот на затворот Витерштад во Хесен. Потоа активирале 200 килограми експлозив, а штетата изнесувала околу 90 милиони германски марки.
Тие се осомничени и дека ограбиле супермаркет и камион за транспорт на пари. Се претпоставува дека украле повеќе од два милиони евра.
По апсењето, Данијела со хеликоптер била однесена во затвор.