Во ноќниот клуб во Санта Марија загинаа 245 луѓе, соопшти бразилската полиција. Властите стравуваат дека бројот на жртвите веројатно ќе биде поголем. Досега идентификувани се 159 загинати.
Жртвите или се задушиле од чадот или биле прегазени во човечко стампедо. Во клубот имало 500 посетители.
Сè уште се испитува причините за пожарот, но според бразилските медиуми, огнот се проширил по пиротехничко шоу. Поради несреќата претседателката на Бразил, Дилма Русеф го откажа учеството на форумот ЕУ-Латинска Америка во Чиле и се врати во земјата.